رجعى شعرك لنعومته الطفولية

السلام عليكم ورحمة الله
الى كل الى شعرها ضاع منها وغابت نعومته وحيويته..
الى كل الى بتتحسر وهى بتشوف صورها وهى طفلة.. والشعر الناعم على الخدين.. ولونه ولمعانه الجميل..
انا لقيت الحل الى رجع شعرى لجماله ونعمومته الطفولية..
وصفة جميلة وسهلة جدا جدا وخلال 10 دقايق ومن اول مرة شعرك هيرجع لشكله الجميل ويتغذى ويتقل ويلمع..

المكونات خمس حاجات :

بيضة واحدة
معلقة كبيرة زيت زيتون
معلقة كبيرة زيت خروع
معلقة صغيرة جلسرين
كبسولة فيتامين A

اخلطى كل المكونات وحطيها على شعرك لمدة 10 دقايق قبل الاستحمام ولفى شعرك بفوطة دافية.. يعنى عقبال متجهزى هدومك تدخلى تغسليه بماء دافى.. وبعد متغسليه تلفيه..
ان شاء الله هتشوفوا جمال شعركم وتدعولى..

طبعا علشان متزعلوش منى وتقولوا انى بديكم وصفات خرافية وانتوا جربتوها ومعملتش حاجة الطريقة دى بترجع الشعر لاصله يعنى بتخليه ناعم زى مكان قبل عوامل الزمن من هوا وتراب ومية..

مستنية الردود قبل وبعد التجربة..